الجمعة، 7 سبتمبر 2012

"}{" حــبــكـ بــيقــلـ فــقــلــبى "}{"


بشكر وبحمد ربى
حبك بيقل فقلبى
لانه مكانش ليا
انى اختارك جمبى
بشغل نفسى وبالى
عشان تروح من بالى
وبقيت عايش لحالى
وكأن محبش قلبى

ليلاتى مع الايام
بنسا اى ألآم
وببص لقدام
ومش نادم على حبى

مهو لو عشت ندمان
مش هعرف اعيش فامان
ارضى بحكم الزمان
ولا اعيش بجرح فقلبى

بشكر وبحمد ربى
حبك بيقل فقلبى
لانه مكانش ليا
انى اختارك جمبى

للصفر قرب حبك
وكأنى معشتش جمبك
ولا دوقت يوم من مرك
بقرارى انى امحيك

امحيك من بالى وفكرى
واعيش من غيرك عمرى
ولو عشت شويه فقدرى
بردو مش باكى عليك

كأنك صفحه اتقلبت
او رسمه برمله اترسمت
وبموج البحر اتهدت
انا بايعك مش شاريك
بشكر وبحمد ربى
حبك بيقل فقلبى
لانه مكانش ليا
انى اختارك جمبى




Mr::NoOoR
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)