الجمعة، 7 سبتمبر 2012

*)*)*)>> مـــهــمـــآ‘ إتـــ غ ـــيــرـرنــــآ‘ <<(*(*(*




مهما يا صحبى اتغيرنا
ولف بينا الزمان

مهما توهنا اتحيرنا
ومن مكان لمكان

بردو نصيبنا قدرنا
منعيشهاش فأمان عايشين خايفين من بعض
وخوفنا معدى الحد
وباب الخير اتسد
والاصيل اتهان


الناس كرهت روحها
تعبت من كتر جروحها
نسيت شكل افراحها
منهم كتير ندمان

واحد فرحان مبسوط
وواحد مالجوع بيموت
وده الضحكه عاليه الصوت
وكأنه مش انسان

واحد عاشها شريف
عن اى حرام عفيف
وواحد عامل كفيف
وراكبه 1000 شيطان

واحد بماله اتحكم
وبكل قوة بيظلم
والتانى لابنه يعلم
ازاى يرضى الرحمن

واحد مسجون مظلوم
والكل عليه بيلوم
والظالم ملهوش هموم
مالفرحه بقا زهقان
مهما يا صحبى اتغيرنا
ولف بينا الزمان

مهما توهنا اتحيرنا
ومن مكان لمكان

بردو نصيبنا قدرنا
منعيشهاش فأمان
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)