إليك ولا أخشى أن يراكـ بداخلى الآخرون

دعني أكــــون سفينتك لشاطئ النجاه
أن أكون السر الذي لن يشقيك أبداً
أن أكون البسمة التي لن تفارق أيامك
دعني أحاول معك من أن نصنع من 
حطام زمــــــاننا قصوراً
ومن أحزان أيامنا أفراحاً
دعني أبني من بقاياك فصولاً
وسوف أغرس عمرك أشجاراً
وسوف أحطم كل قيــود أيامك ولياليك
دعني أحاول

..::..::.. عــــقـــد آ‘لـــ ح ــــب ..::..::..

على اد معشت عمرى
كاره انى احب

وعلى اد مكانت ديما
القسوه ماليه القلب

على اد ما بقيت عاشق
وحبيبى لقلبى سارق
وبتمنى منه القرب


عاهدنى حبيبى انى
انه عمره ميظلمنى
وديما عليه يطمنى
ومضينا عقد الحب

قالتلى حبيبتى وانت
عهدك ليا ايه
وضمانى وحقى ايه

قولت حبيبتى انا ياما
لفت عليا الدنيا
وهصارحك من غير ملامه
ولا تبكى عيونك ثانيه

قالتلى احكى واشوف
لو حسيت بخوف
هجرى بقلبى الملهوف
واتدارى منك فيك


قولتلها يا عمرى انا كنت
اكتر واحد خونت
وياما قلوب عذبت
لكن والله ندمت
ويمكن انا كده كنت
عشان عمرى ما حبيت


لكن دلوقتى يا عمرى
حكم عليا قدرى
تبقى شمسى وقمرى
وتبقيلى حضن وبيت


ولقيت نازله الدموع
من عيون حبيبتى

وصبح بكاها مسموع
قولتلها لا يا حبيبتى

امشى من غير رجوع
ولا اكون سبب لجراحك

والله انا كل املى
ابنى فقصور افراحك


ولقيتها لمست ايدى
وقالت نصيبى معاك

بقيت انت فوريدى
وخلاص ادمنت هواك


ومادام مشاعرك عبيدى
هعيش وهموت وياك


لكن يا حب عمرى
لو يوم تغدر تخون
مش هستنا قدرى
يعتب عليك ويلوم

ساعتها هكون قتيلة
احسن ما اعيش ذليله
مجروحه ليالى طويله
غرقانه فبحر هموم


وقالتلى انسى اللى فات
حيرة دمع اهات
ندم حرمان وسكات
حبنا صادق هيدوم



على اد معشت عمرى
كاره انى احب

وعلى اد مكانت ديما
القسوه ماليه القلب

على اد ما بقيت عاشق
وحبيبى لقلبى سارق
وبتمنى منه القرب


عاهدنى حبيبى انى
انه عمره ميظلمنى
وديما عليه يطمنى
ومضينا عقد الحب

 من كتر الحب اللى فقلبى
من كتر اللهفة يا عمرى عليك

عايزك ديما جمبى فقربى
وعنيك فعنيا وايديى فأيديك

من كتر مابان شوقى وحبى
ليك ولكل شيىء حواليك

ظهرت للناس رسمة قلبى
والكل بيحلف انى شاريك


وقولت فيوم ابعد عنى
زعل الكون من قلبى عليك

فسماه بدخان رسم قلبى
ويكشف كدبى بانى ناسيك

يا حبيبى انا حاسه بيك
شايفة دموع عنيك
جرحك بيهد فيك
بجد حبيبى حرام

ليه تفضل عايش ليا
بعد مماتت لياليا
ولا حاجه فايديا
مليش تانى أيام

سامعه كل أهاتك
وكمان قلبك دقاتك
وشايفه لون حياتك
سوده ومليانه ألام

انت جاى تعذبنى ؟
ولا جاى تأنبنى ؟
أرجع لحياتك سيبنى
وجدد تانى الاحلام 

 الوحده قتلانى
بتهد فكيانى
عايش وحيد فزمانى
ولا حد حاسس بيا

الحزن مالينى
مكتوب على جبينى
باكيه ديما عينى
والحيرة حواليا

لا حبيب فالدنيا يعيش جمبى
ولا حد يداوى جراح قلبى
دنيا ومن حواليا فاضيه
لا حد معايا ولافقربى


ولا حد فحضنه ارتاح وابكى
ولا حد معاه افضفض واشكى
حتى مشاعرى بيا ما راضيه
تقولى ايه بيها وتحكى


الوحده قتلانى
بتهد فكيانى
عايش وحيد فزمانى
ولا حد حاسس بيا

الحزن مالينى
مكتوب على جبينى
باكيه ديما عينى
والحيرة حواليا


فنهارى بعيش ويلى ومرى
وفليلى عيونى على قمرى
افضل احكى فهمى وألمى
لا يريح بالى ولا فكرى


أبدأ اكلم نفسى وروحى
واطلب منها تعد جروحى
تبدأ فالعد يزيد تعبي
واقول لاحلامى خلاص روحى

 حبيبتى يوماتى عليا بتكدب
والله عليها انا مستغرب
كل ما منها وليها اقرب
اشك تانى وقلبى يبعد

اجى احاسبها واسأل فيها
تبدأ تبكى قصادى عنيها
ارجع احن تانى ليها
وحبى ليها تانى بيتجدد

ترجع تكدب عليا تانى
اكره بيها كل زمانى
وتتهمنى انى انانى
وعلى انى انانى كمان بتشدد

ويرجع حبى ليها يقولى
انها مالكه فيا كلى
واول كلمه حب تقولى
ارجع تانى من غير ما اتردد

 دنيا عالناس قلابه
قاسيه عالغلابه
ملهاش لا عزيز ولا غالى

ناسها بيتمنوا الستر
وناس تسعى من الفجر
وده حالك او حالى

ناس فيها عايشه بتحلم
وناس ديما تتألم
وده جرالك او جرالى


انا وانت وكل الناس
بنعيش مليون احساس
واحد علاه زمانه
وواحد مات منداس

 متفكريش انى ضعيف
وقلبى عليكى هيكون خفيف
انا غضبى هيكون مخيف
لو حسيتك يوم تستقوى

مش علشان عايز ارضيكى
وادفع عمرى واشتريكى
وبخاف كمان مالنسمه عليكى
يبقا عليا هتقسى وتقوى


لا يا حبيبه قلبى وروحى
لو فكرتى تزيدى جروحى
ده انا اقتل نفسى واخرج روحى
ولا انك لدراعى تلوى

 ماتت قدام عنيا
وما باليد حيلة

ماتت بعد عذابها
وآلامها ليالى طويله

كانت بتحارب الموت
وبتقول ده الدنيا جميله

حبيتها سنين وسنين
وراحت منى فليله

فليله هربت دموعى وراحت البسمه منى
فليله انطفت شموعى ومن نورها خلاص حرمتنى
يا دنيا ما تستنى رجوعى عشان حزنى هيقتلنى

لان بعد حبيبتى
كل انفاسى عليله
بشوف بعيون ذليله
وبصرخ صرخه طويله
وروحى أهى خارجة منى

 و
الله يا حب عمرى
وحشتنى ضحكتك

ده كل حاجه فيا
بجد حبتكـ

ومش عارف جبت منين
يا حبيبى قسوتك


مع انى ياما سامحتك
وقبلت كدبتك


والله انا عمرى مخونت
طب ليه سوء نيتك


ده انا قولت هتفضل جمبى
وهمشى فسكتك

 وحياه كل نقطه
من دم ابنى سالت

وحزن كل ام
على طفل ميت شالت

ورحمه كل نفس
لله اتشاهدت وماتت

لاحرر كل شبر
مهما الليالى طالت

مهما طال الزمان
وزاد علينا الهوان
والظلم فكل مكان
هترجعى تانى لينا


ارضك هيه ارضى
عرضك هو عرضى
وانا عمرى مهكون مرضى
لو انكسرت فيكى عنينا


طول مالايمان فبيوتنا
عمره مهيوطا صوتنا
ولو لحظه فيها سكتنا
متجوزش الرحمه علينا


الحجر اللى فايدى داب
من قبضه داقت عذاب
تكسر مليون باب
علشان ترجعى لينا


مين فقلبه ايمان
هيسيب لكلب مكان
يعيش فيه وينام فأمان
ده يموت احسن بإيدينا

والله يا كل دمعه
لترجع احلى شمعه
وتبقا لينا جامعه
وصوت الأدان حوالينا

 يا أجمل ما شافت عينى
وملكت قلبى وكل حنينى
هعيشلك كل ايامى وسنينى
عشان مشوفش دموع فعنيكى

ربى يقدرنى واربيكى
وحبه فحبه وأفرح بيكى
وامسك بإيديا ايديكى
وابوس راسك فاحلى لياليكى


يا نور عينى يا اجمل بسمه
يا بخته اللى ينول القسمه
وياخدك منى يا اجمل رسمه
اترسمت فجمال عينيكى


امتا هتمشى اول خطوه
وتيجى عليا اخدك بقوه
واحطك جوه فقلبى جوه
ومن عيون الناس اداريكى


يا حبيبه قلبى الله يحميكى
وليا يا رب الله يهديكى
وقدام عيونى ليا يخليكى

رسمت حياتى معاها
لكن من غير ألوان

اول مقلبى هواها
حسيت انى انسان

ليلاتى اتمنى لقاها
ومالبعد انا قلبى جبان

حلمى اعيش وياها
وانسا بيها الاحزان

يا حبيبتى يا كل حبايبى
يا مالكه لهفه قلبى
خليكى ديما جمبى
ولا اشوف منك حرمان

يا اللى حبك غالى
يا كل احلامى امالى
ده انتى الفرح اللى جالى
وحسسنى بالامان

يا عمر ومن غيرك فات
قلبى عاشه فى سكات
كان خالى من الدقات
كان قلب راكبه شيطان

واتبدل فجأه القلب
بكل معانى الحب
ومنها اتمنيت القرب
دى ملاك مش انسان

رسمت حياتى معاها
لكن من غير ألوان

اول مقلبى هواها
حسيت انى انسان

ليلاتى اتمنى لقاها
ومالبعد انا قلبى جبان

حلمى اعيش وياها
وانسا بيها الاحزان

حببيبتى خليكى
ديما كده عشقانى

حبيبتى بعنيكى
بشوف كل زمانى

حبيبتى بضحكه منك
تبقى ملكانى

ولو يوم بعدت عنك
يتهد فيا كيانى

يا عشق مالينى
بكل مافيا

اسمك على جبينى
ومنور لياليا

اوعى فيوم تنسينى
يا قلبى وعنيا

يا دنيا انا عايشها
بالفرحه والبسمه

وانتى فعنيا
احلى واجمل رسمه

وايامى الجايه معاكى
احلا عمر وقسمه


يا زمان مترجع تانى
بايامى كام سنه

علشانها مش عشانى
ادوقها الهنا

ده هيه بيتى وعنوانى
وهيه هو انا


حببيبتى خليكى
ديما كده عشقانى

حبيبتى بعنيكى
بشوف كل زمانى

حبيبتى بضحكه منك
تبقى ملكانى

ولو يوم بعدت عنك
يتهد فيا كيانى

:::: ح ــــــــــــــكـــآ‘يـــة قـــــــــــــلــــــــــــــب ::::

قلب وعاش طول عمرة يخون
اى حاجه عليه بتهون
شكاك مليان بظنون
بعذاب الغير اصبح مجنون

عمرة مفكر انه فيوم
هيشيل هم من الهموم
او على نفسه فيوم هيلوم
ويصبح يوم من العشاق

اتاريه نصيبه مستنيه
ان الحب يسكن فيه
والفرحه تبان جوة عنيه
ويخاف فيوم من الفراق

قلب وعاش طول عمرة يخون
اى حاجه عليه بتهون
شكاك مليان بظنون
بعذاب الغير اصبح مجنون


حب القلب فكل اوقاته
وبقا ندمان على كل حياته
كانت فيها قاسيه دقاته
عذب فيها قلوب عاشقين

عايش لهفه وغيرة وشوق
من حلاوة الحب يدوق
من وهم قساوته خلاص بيفوق
وبقا مليان غرقان فحنين

قلب وعاش طول عمرة يخون
اى حاجه عليه بتهون
شكاك مليان بظنون
بعذاب الغير اصبح مجنون

عاشق دايب فيها وبس
وكأنه اول مرة يحس
وعنيه باللهفه عليها بتبص
وتسألها فينك من سنين

كان زمانى ما اتحسرت
على عمر عدا ولا قدرت
بس خلاص انا اتغيرت
يا اغلى من الغاليين

قلب وعاش طول عمرة يخون
اى حاجه عليه بتهون
شكاك مليان بظنون
بعذاب الغير اصبح مجنون

(((<><>)))--- هيــه دى دنــيتــنا ---(((<><>)))

 ليه الفرحة مبتكملش
يوم متتولد بتموت

ليه بس مبنحلمش
وكوابيسنا علينا تفوت

ليه الضحكة بس مبتكونش
على شفايفنا بصوت

ليه ديما بس مبنشوفش
غير قسوة وظلم وجبروت

حقنا مننا اهو ضايع
ولا حد لصوتنا سامع
ولو شاف راسك رافع
يقطعها عشان تموت


لازم ترضا وتتحمل
متردش تسكت تتأمل
رأيك متقولش وكمل
كمل حياتك فسكوت


اسكت خليك فحالك
ايه فايده بس سؤالك
غير ذل ومهانة جيالك
لو اترفعلك صوت


وهيه دي دنيتنا
على أد معلمتنا
قفلت علينا سكتنا
وبهمومنا رجعتنا
ولما بنرجع بيتنا
ونفكر فكل ساعتنا
بتضيع قدامنا هيبيتنا
ونقول ليه ويا ريتنا
ونتمنى لينا مماتنا

::::: قـــــــــــــلــــب :::::

 قلب وزادت دقاته
قلب وفأحلى حالاته
قلب وماتت اهاته
واتبدلت بالفرح

دخلت جواه الفرحه
من وسط الدنيا الجارحه
ومشاعره صبحت سارحه
وفحبه يطول الشرح

قلب وبيجرى فدمه
حب منسيه همه
وانتهت ايام ألمه
واتقفل جواه الجرح

يا دنيا كفايه عليه
القسوه اللى شافها منك

كفايه سواد لياليه
وكفايه ده شبع من مرك

خليه يلحن غناويه
وهو مرة بيحبك

ده ياما جيتى عليه
وياما انكسر من ظلمك


ده قلب ويا ريت تنسيه
وتشيليه من غدرك

خليه يعيش وايديه
مفيهاش من شوك وردك

فحبه مرة سيبيه
يفرح لو مرة فزمنك



وكفايه اللى كان بيه
وبلاش يدوق من سمك


قلب وزادت دقاته
قلب وفأحلى حالاته
قلب وماتت اهاته
واتبدلت بالفرح

دخلت جواه الفرحه
من وسط الدنيا الجارحه
ومشاعره صبحت سارحه
وفحبه يطول الشرح

قلب وبيجرى فدمه
حب منسيه همه
وانتهت ايام ألمه
واتقفل جواه الجرح

عـــــــــــــــــــــــــآ‘شـــقـ

عاشق لكل ما فيها
لمست ايديها عنيها
عاشق همس غناويها
وهموت لو انا مش ليها

عاشق ملهوف على حبه
نفسه يفضل جمبه
ديما معاه وفقربه
ملازمه فكل خطاويه


واهبلها كل ايامى
هيه كل احلامى
لو يوم ما كانت قدامى
قلبى مقدرش عليه


بحسه جوايا خايف
هيجراله ايه مش عارف
غير حبها والله ما شايف
وقلبى الله يقويه


عاشق ولو لسكوتها
اومال لما اسمع صوتها
ولا كلمة ليها بفوتها
بحفظها ولو كانت ايه

دى دنيا بكل الدنيا
مش هقدر ابعد لو ثانيه
ولا عايز حاجة تانية
غير حبى تحس بيه


عاشق لكل ما فيها
لمست ايديها عنيها
عاشق همس غناويها
وهموت لو انا مش ليها

_____()()___إلـــــىـى ح ـــــــــــبيبتـىـى ____()()____

حبيت الحب فيها والرقه والحنان
ومن غير مشوف عنيها
ولا حتى ألمس ايديها
بجد الله عليها
نسيت بيها الهوان

ربنا يحميكى ليا يا حبيبه مشوفتهاش
وتبقى بين ايديا قلبى قبلك ما عاش
من بعد كسرة قلبى غير بيكى الحب مجاش
ومن حنية قلبك حبك لازم يتصان

ولا عمرى هفكر ليله ابعد لو ثانية عنك
دى حياتى بقت جميلة واحلامى واخدها منك
نفسى اعيش الدنيا بكل اوقاتها جمبك
ولا عمرى اقسى على قلبك قلبك عمره ميتخان


يا دنيا حلمت بيها واتمنيتها ليلاتى
يا اجمل حاجة اتخلقت عشان تداوى اهاتى
حبك باين جوايا فكلامى او فسكاتى
ونفسى اكون وياكى ولو فأى مكان


عشقتك رغم انى ولا ليله قابلتك فيها
بس احساسك ومشاعرك والرقة اللى ساكنه فيها
خلونى اعشق اسمك وبقيتى حاجة هموت عليها
ياريتنى كنت قابلتك وعشقتك من زمان


حبيت الحب فيها والرقه والحنان
ومن غير مشوف عنيها
ولا حتى ألمس ايديها
بجد الله عليها
نسيت بيها الهوان

)**( غــريبه آ‘لدنيــآ‘ و غـــريبه نآ‘سـهآ‘ )**(

غريبة الدنيا وغريبه ناسها
ناس مات جواها احساسها
وكل متكبر فرحه فينا
اكيد حد هييجى يدوسها

كل منفرح ليله جميلة
بنصبح بالفرحة عليله
وترجع تبكى تانى عنينا
لا وبكانا ليالى طويلة


ولو لقينا الحب فيوم
نقول خلاص ده اللى هيدوم
يبدأ يجرح الحب فينا
وندوق منه مرار وسموم

ولو قلنا فيوم نبعد نرتاح
ونعيش وحدينا من غير جراح
نفكر فاللى كانوا قبلينا
وبردوا نبكى عاللى راح


طب نعمل ايه يا زمان متقول
ليه بابك ديما مقفول
ولا انت حابب تفرح فينا
وعايز كل جميل مقتول



غريبة الدنيا وغريبه ناسها
ناس مات جواها احساسها
وكل متكبر فرحه فينا
واحد تانى هييجى يدوسها

/// لو مـــات إحــساسى بيكـ ///

لو مات احساسى بيك
مش ممكن هيصحا تانى
عشان كدابة عنيك
وعشان قلبك انانى
والله خسارة فيك
بحور شوقى وحنانى
ولو نسيت لياليك
هتبقا انت بس الجانى

انا ياما حاولت ارضيك
انا ياما قربت ليك
وانت بالقسوة اللى فيك
بتكرهنى فزمانى

انا عشت بحلم بيك
وخوفت من النسمة عليك
والفرحة بشيلها ليك
وبسيبلى مرار حرمانى

طب ليه انا هبقا عليك
وانت الغدر ماليك
وليه ارجع اشتريك
وانت هتبعنى تانى

يوم مهقول ناسيك
مش هبكى فيوم عليك
ولا هتخدعنى عنيك
بنظرة مشتاق لحنانى


و مات احساسى بيك
مش ممكن هيصحا تانى
عشان كدابة عنيك
وعشان قلبك انانى
والله خسارة فيك
بحور شوقى وحنانى
ولو نسيت لياليك
هتبقا انت بس الجانى

:::::: دنــــــــــــــــــــــيآ‘ وفيـــهآ‘ عــآ‘يشين :::::::

دنيا وفيها ماشيين
زى متودينا رايحيين
على فين مش عارفين
مالاخر تايهين

ساعة بنفرح فيها
وليالى بنبكى عليها
مالجرح اللى ماليها
واهى عيشة وعايشين

حقوقنا مش لاقينها
ضايعة ولا سايبينها ؟
الدنيا جف حنينها
وديما مظلومين


ايامنا صعبة علينا
ودموع مش سايبة عنينا
واكيد العيب مش فينا
ده احنا ديما حامدين


خير الدنيا اتقل
والاصيل انذل
وصوتنا انكتم واتشل
وجراحنا بقالها سنين


عايشين ولا احنا موتنا ؟
وليه الفرحة بتفوتنا
وكل ما بإدينا سكوتنا
واخرتها لفين رايحين ؟


يادنيا حنى علينا
وكفاية جرحك مالينا
ولا حد خد بإدينا
ودواكى مش لاقيين


فيكى اتولدنا وعيشنا
وبنسعى على اكل عيشنا
ليه كل سككك خشنة
واحنا فيها ماشيين


لو القسوة هيه نصيبنا
او الحزن نفسه حاببنا
واكيد مش هيسيبنا
بردوا هنفضل شاكرين


رب العباد رحيم
وعلى احبابه حليم
ومهما عشنا جحيم
بردوا لله حامدين


دنيا وفيها ماشيين
زى متودينا رايحيين
على فين مش عارفين
مالاخر تايهين

()()() يــــآ‘ ح ـــــــــــــــب ()()()

يا حب ليه مش راضى تزورنى
يا حب ليه انت محيرنى
طيب حتى فيوم قدرنى
ده انا ياما دورت عليك

نفسى اعيش حلاوتك يوم
وادوب جواك من غير هموم
ولا ترجعنى فيوم مهزوم
وتدوبنى يا حب فيك

نفسى اكون من العاشقين
واتوه فالدنيا مع التايهين
معرفش انا رايح فين
وكل مشاعرى وفكرى اديك


انا جوايا بحور حرمان
نفسى بيك ابقا ولهان
واقول حبيت ولقيت انسان
وابيع الدنيا واشتريك


يا حب ليه مش راضى تزورنى
يا حب ليه انت محيرنى
طيب حتى فيوم قدرنى
ده انا ياما دورت عليك

::::: على أد متمنيـــتكـــ ::::::



على اد متمنيتك وحلمت اكونلك يوم
ندمت انى حبيتك وفكرت اعيشلك يوم
ليه ردك يكون عليا جراح وعذاب وهموم
ولا انا علشان صدقتك تبعنى فليله ويوم

ده انا شوفت بيك الدنيا وعشت فاجمل لياليها
ولما انت ناوى تسيبنى ليه تحببنى فيها
ده قبلك كنت كارهها وكاره حتى غناويها
ليه تدوقنى حلاوتها ويطلع حبك مسموم


انا عشت قبلك طاير وكأنى عصفور
ولا عمرى ندمت فليله ولا كنت فيوم مكسور
ليه تيجى انت وتدبحنى وتدينى مالجرح بحور
ده انا ياما حلمت بيك وحلمت تكونلى فيوم


طبعك طبع الايام غدر وقسوة وخيانه
طبعك مليان بألام وكاسات ذل ومهانه
ليه غدرك بيا حرام ده انا قلبى فحبك عانا
مخرجتش من حبى ليك الا وضهرى مقسوم


يا ذل عمرى معيشته غير بس فحبى ليك
زى محببتنى فيك بردوا هكون ناسيك
ولا عمرى هفكر ارجع ولا ثانية هحن ليك
بس ربى يقدرنى ويقربلى ده اليوم


على اد متمنيتك وحلمت اكونلك يوم
ندمت انى حبيتك وفكرت اعيشلك يوم
ليه ردك يكون عليا جراح وعذاب وهموم
ولا انا علشان صدقتك تبعنى فليله ويوم


بـــقلمى ::::: نور

:::::: قــــــــــــــلبــكــ حــجــرـر ::::::



قلبك حجر
مش مالبشر
يااااه عالقدر
وقعنى فيك

غدرت بيا
وجيت عليا
جرحت فيا
خدعتنى عنيك

وبتتهمنى انى كداب
وانت مليتنى جراح وعذاب
وقفلت ما بينا 1000 باب
وجرحى اللى عشته كان بإديك


عايز تبان انك ملاك
وانت طريقك كله هلاك
كرهت نفسى عشان بهواك
وانى سلمت لحبى ليك

عايز تصعب ليه عالناس
وانت معدوم الاحساس
مكفاية جرحك ليا خلاص
ولا مش كفاية عليك

ليه راضى بعذابى وذلى
ليه مش عايز فرحى قولى
ده الحزن ملانى يا ظالم كلى
وكله بسببك وكان بإيديك


قلبك حجر
مش مالبشر
يااااه عالقدر
وقعنى فيك

غدرت بيا
وجيت عليا
جرحت فيا
خدعتنى عنيك


بقلمى

::: إنــــســـــآ‘نـ ::::



انا زى اى انسان
عايش وسط الزمان
يوم بكون فرحان
وشهور بكون متهان

عايش ليه مش عارف
غير القسوة مش شايف
ومن بكرة ديما خايف
وديما مهزوم ندمان

انا ذنبى بس ايه
او حتى عملت ايه
او بتعاقب على ايه
ولا قلبى باع ولا خان

ده الحب فقلبى صونته
والصاحب عمرى مخونته
ولا حلم فيوم دمرته
ولا حد منى زعلان

ليه جزائى يكون اوجاع
وكل جميل ليا يتباع
وزمانى منى خلاص أهو ضاع
وراح فخبر كان

عيونى ماليها دموع
بصرخ بصوت مسموع
طريق مفيهوش رجوع
والشوك فكل مكان


ايام خالية من الفرحة
واوقات الدنيا جارحة
وعيونى ديما سارحة
مستنية ضحكة تبان


يا عيونى متستنيش
انا زى منا هعيش
غير الدمع مفيش
وده نصيبى من الزمان


انا زى اى انسان
عايش وسط الزمان
يوم بكون فرحان
وشهور بكون متهان

//// ح ـــــــــــــبيتـــ ////

انا عشت عمرى كله
ماشى مرفوع الراس

لا كان يهمنى حد
ولا حتى كل الناس

ياما كنت قاسى وخاين
ولا كان عندى احساس

وكنت ببيع بسهوله
واى شيء ينداس




لف ودار الزمان
ورجعت لطبع الانسان
خرج منى الشيطان
وده كله عشان حبيت


اه ياما عرفت وخونت
وياما كتير عذبت
وللحب عمرى مصونت
لكن دلوقتى هويت


بقيت انسان تانى
غير اللى كان انانى
واللى كنت عليهم جانى
يسامحونى بس يا ريت


وخلاص ريحوا بالكوا
حالى بقا زى حالكوا
وشوفت كل اللى جالكوا
بجد لما حبيت



حبيبتى معذبانى
فيها مدوبانى
ساكنة روحى وكيانى
وقلبى ليها بيت


بحبها حب غريب
فوق العادى وعجيب
عاشقها ولا يمكن اسيب
حبها ولا اقول نسيت

على اد مقلبى فنار
وشايف منها المرار
وساعات بكون منهار
لكن زيها ما لقيت


ربنا ليا يهديها
وكمان ليا يخليها
والفرحة تملى عنيها
وعلطول اشوفها يا ريت



بـــــــــــقـــــــ نور ـــــــــلمى

::::: خ ــــــــــــلآ‘ص :::::



حبيبى شكله خلاص
مبقاش يحس بيا

او كان واحد مالناس
اللى ضحكوا عليا

كان من يومين معايا
بيحلف بحبى وهوايا
وحكالى احلى روايه
فالحب وبكى عنيا

كان بيقولى بحبك
ونفسى افضل جمبك
خلينى معاك وفقربك
وانا مديتله ايديا

كان بيقولى يا عمرى
يا شمس نهارى وقمرى
ده انت من الدنيا قدرى
ده انت اجمل هديه

لكن ده كله كدب
شكله ميعرفش الحب
ولما اتمنى القرب
ده عشان كان يدبح فيا


اقولك حاجة يا قلبى
انت بس الغلطان
انت اللى اديته حبى
وانت اللى بقيت متهان
وده كله مكانش ذنبى
ده كان ذنب الشيطان
اللى صدقته يا قلبى
وفكرته انسان

ولا متظلمهوش
حبك محسهوش
انت اللى مفهمتوش
وانت بس الغلطان



حبيبى شكله خلاص
مبقاش يحس بيا

او كان واحد مالناس
اللى ضحكوا عليا

()()()() حــــــكـــــآ‘يــــه ()()()()



هقولكم الحكاية
وهقولها مالبداية
وهتعرفوا ايه جوايا
وايه اللى محيرنى

انا يا ما اتمنيت
انى ادوب واحب

وكان نفسى اقول حبيت
وكنت بقول يا ريت
لو اقابل يوم الحب

وفيوم من الايام
قريت احلى كلام
خدنى فدنيا الاحلام
وبسرعة دق القلب

ومن غير معرف صاحبه
او حتى مين اللى كاتبه
لقيتنى من نفسى بحبه
ومحدش يقولى .... ليه ؟


وعرفت اسم حبيبى
وبدأت اسأل عليه
وقولتله ميزتى وعيبى
والقرار سيبته ليه

ولقيتنى بقوله بحبك
ورد قالى بحبك
قولتله فعلا من قلبك ؟
قالى قصدك ايه ؟.

قولتله انا نفسى اشوفك
واسمع بس صوتك
قالى اصبر يا حبيبى
انت تعرف عنى ايه ؟


قولتله مش عايز اعرف
ولا عايز اسمع حاجة
منا مش هبعد مش هعرف
والقصه مش محتاجة

قالى لازم اقولك على كل حاجة فاتت
بس يا حبيبى اللى هقوله كلها اوقات وماتت
قولتله احكى وحكالى
وقالى كل حاجة
اه زعلت شوية
ورعشة مسكت ايديا
لكن بعد شوية
رجعت اقوله بحبك
وفضلت اقوله بحبك
وردها هو عليا


وفضلت عليه اتحايل
انى بس اشوفه
لكن مرضيش حبيبى
وتقريبا عشان كسوفه

طبعا هتسألونى
حبيته ازاى وليه
عشان مشوفتهوش
ولا حتى شوفت عنيه

هقولكوا اه حبيته
ولو بس هو وافق
هروحلة لحد بيته
واطلب منهم ايديه

لكن بخيل عليا
مش راضى لسه عليا
نفسى تفرح عنيا
بنظرة من عنيه


لكن بردوا بحبه
وحلفت هفضل احبه
وغصب عنه بحبه
وهفضل احب فيه


بــقلمى

<><> تـــــآ‘يهــين <><>

انا تايه فالدنيا ومش عارف رايح فين
هيكون نصيبى الفرح ولا جرح السنين
وزيى زى كتير بردو مش عارفين
ديما نازلة دموعنا وديما مظلومين

لو كنا يا دنيا رضينا بالحرام اللى فيكى
كنتى هتنسينا الهم اللى ماليكى
والمر اللى شربناه ياما من ايديكى
هيتبدل بالفرح وهنبقا مبسوطين

لكن والله يا دنيا مهما كنتى غالية
احنا بردوا عارفين انك فالاخر فانية
ولا عمرنا يوم نتغير ولا نتبدل ثانية
ده حلالك طعمه جميل ولو عشنا محرومين

بتورينا العذاب
ونارك لها 1000 باب
بتاخدى اعز الاحباب
ويخون فيكى الصحاب
واحنا بردو صابرين

دموعنا بقت بالدم
شايفين بحور الهم
وجرح ما يتلم
ودايقين طعم السم
وديما متهانين


شايلين عذاب ومرار
مالناش ولا بيت ولا دار
غير العذاب والنار
ومولودين احرار
وبقينا فيكى مساجين


انا تايه فالدنيا ومش عارف رايح فين
هيكون نصيبى الفرح ولا جرح السنين
وزيى زى كتير بردو مش عارفين
ديما نازلة دموعنا وديما مظلومين


بــقــ نور ــلمى

-(_(_(- هــقدر آ‘قولـ خ ـــــلآ‘صـ -)_)_)-

كده هقدر اقول خلاص يا حب
بان فيك الغدر وبان الكدب
ومهما دق وتعب القلب
عمرى مفكر ارجع تانى

خلاص مهو مات فيا الاحساس
وبقيت تاية ما بين الناس
شكله داير عليا الكاس
بنسا مراره يسقينى تانى

مش عارف انا اعمل ايه
ليه بتخان واتهان كده ليه
هو انا يعنى عملت ايه
ده انا كان حبى مالى كيانى

نار جوايا تكوى الحجر
ولا يقدر عليها بشر
ومادام هو ده حكم القدر
يبقا انا راضى بذل زمانى

لكن حقى اسأل ليه
ليه جرحى يكون بأيديه
ليه كدبت عليا عنيه
وليه يطلع حبيبى انانى

فين وعوده فالحب ليا
قالى عمره ميغدر بيا
ولا عمره هيسيب لياليا
تدوقنى مرار حرمانى

طب ليه اصلا انا صدقته
وليه فرحت بيه وعشقته
وليه فحبه انا شيلته وصونته
ورضيت معاه باحزانى

دى سذاجة ولا دى طيبه قلب
لما اوصل لسحاب الحب
وهو طول الوقت فكدب
وانا عمال اديله حنانى


كده هقدر اقول خلاص يا حب
بان فيك الغدر وبان الكدب
ومهما دق وتعب القلب
عمرى مفكر ارجع تانى

بــــ نور ـــقلــمى

:():():-- قــــد آ‘ م عـــنــيــآ‘ --:():():



كانت قدام عنيا
والفرحة ماليه عنيها

كان فاضل بس ثانية
والمس بإيدى ايديها

وبعد معدت الثانية
لقيتنى ببكى عليها

ماتت حبيبتى وكانت
البسمة على شفايفها
كانت جاية عليا
وانا واقف وشايفها
كانت وحشانى بجد
وكان نفسى بجد اشوفها


كانت بين ايديا
وايدى على كل جروحها

لحظه عدت عليا
مش عارف ازاى اشرحها

لقيت عنيها فعنيا
بتقولى هتمشى روحها

وماتت كل امالى
وحبيبتى فيوم فرحها

يوم استنيناه ايام وليالى وعمر طويل
صرخت بأعلى آه وبقيت جريح وعليل
لما حلم عمرى الدم منه يسيل
وفجأه الاقيه قدامى جسد لكن قتيل


يا ريتنى روحت معاه وفالدنيا ما بقيت
هعيش ازاى من غيره وانا بعده اتهديت
ده مكانش حب عادى ده قليل كلمه حبيت
ده كان عايش فدمى وياما بيه اتقويت
لكن دلوقتى خلاص وقع كل اللى بنيت
بعد محلمت معاه باجمل حلم وبيت


ماتت حبيبتى وكانت
البسمة على شفايفها
كانت جاية عليا
وانا واقف وشايفها
كانت وحشانى بجد
وكان نفسى بجد اشوفها

::::: هقفل عيونى بكفوفى :::::

حبها عذبنى تعبنى خلانى عايش محتار
الشوق ليها غلبنى وقلبى بسببها فنار
برقتها بتكسبنى وترجع تسقينى مرار
يعنى ده قلب حاببنى ؟ ولا قلب غدار ؟

رسينى يا حب عمرى
على بر استنى عليه
يا شمس نهارى وقمرى
يا كل اللى حلمت بيه
فرحانه بويلى وسهرى
ولا قلبى خايفة عليه
مش عارف ايه هو قدرى
ومعاكى هوصل لأيه ؟


خايف مالدنيا تاخدنى
ومعرفش ارجعلك تانى
خايف قلبك يبعدنى
وينتهى وياكى زمانى
ولو احاسيسك بترفضى
يبقا خسارة هوانى
ده الكون كان كله حاسدنى
والفرحه ماليه كيانى




متقولى لو عيزانى
واقبلى فيا ظروفى
لكن لو مش قابلانى
خسارة قلقى وخوفى
ولو فعلا مش حسانى
منى ولا شيىء هتشوفى
ولو يوم شوفتك فمكانى
هقفل عيونى بكفوفى



حبها عذبنى تعبنى خلانى عايش محتار
الشوق ليها غلبنى وقلبى بسببها فنار
برقتها بتكسبنى وترجع تسقينى مرار
يعنى ده قلب حاببنى ؟ ولا قلب غدار ؟

()()::: ع ــــآ‘يـش فــيكـى ع ـــبد فقـيـرـر :::()()

مش لاقى يا دنيا فيكى الخير
عايش فيكى كأنى اسير
بتاخدى حقى وتديه للغير
وقاسيت ياما فيكى كتير

مولود فيكى عشان اتعذب
وديما ظلمك فيا بيغلب
وكرباج غدرك فيا بيضرب
والفرح كأنه دخان بيطير

هيه قساوتك ليا لوحدى
ليه الحنيه لغيرى بتدى
وكل مقاوم ليا تهدى
وظلمك ليا ظلم كبير

عايش فيكى عشان اتهان
عايش بس عشان اتخان
ليه مكونش منك متصان
وليه جرحى منك كده بكتيير


ايه غلطى بس وفأيه اجرمت
ده انا ياما فيكى كتير اتحرمت
ولا عمرى شكيت ولا اتكلمت
وكأنك صياد وانا ليكى طير


نارك منها ياما اتحرقت
ولفرحك انا والله اشتاقت
ولا عمرى لحلم غيرى سرقت
وعايش فيكى عبد فقير


مش لاقى يا دنيا فيكى الخير
عايش فيكى كأنى اسير
بتاخدى حقى وتديه للغير
وقاسيت ياما فيكى كتير


بـــقلمى ::: نور

:::::: طــــفــولــه ::::::

بتقول ندمانه انها عرفتنى
مع انها لسه ما قابلتنى
اومال لو مرة سمعتنى
كانت ايه ؟
كانت قتلتنى

ولا مرة اتقابلنا فيها
ولا عمرى شوفت حتى عنيها
كل اللى كان موصلنى بيها
تليفون بس وبيه سمعتنى

بتقول انها حبتنى
وانها عشقتنى وحستنى
فالاخر فرسالة بعتتلى
بتقول ندمانه انها عرفتنى

اضحك ولا ازعل ولا افرح
لا لحقنا نحب ولا حتى نجرح
ولا حتى لبعض كنا بنلمح
ولا شوفتها ولا هيه شافتنى


فثانية لقيتها بتقولى يا خاين
كل الحب عليك اهو هاين
وقلبها هو بس الصاين
وجارح خاين طلعتنى

شكلها طفله لسه بتحبى
فاكرة انه صغير قلبى
حكمت عليا بظلمى وكدبى
وهيه بريئة وحبتنى

يلا سلام ووداع يا طفوله
ابوابى فوشك مقفوله
فالحب انتى لسه فسنه اولى
واوهامك مشيت وسابتنى

بــــ ق ـــ ل ــــ م ـــ ى

()()() قــــلــبــىـى عــلــيــهـــآ‘ قـــآ‘در ()()()

وحشتنى لكن مش راجع
وهفضل كده مجروح واجع
مع انى غير صوتها ما سامع
بس بردو انا هفضل صابر


منها انا هفضل ممنوع
ولو حتى فضلت سنين موجوع
ولو حتى اهاتى بصوت مسموع
هفضل بردوا عالبعد قادر


عمرى مهرجع تانى فيوم
ولو حتى سمايا بقت بغيوم
ولو كل بحار الدنيا هموم
فدنيا القسوة انا قلبى مسافر


هيه سبب جراحى وجراحها
قتلت افراحى ودبحت افراحها
وانا عمرى فيوم مكونت جارحها
ولا عمرى فيوم انا كنت غادر


لو طال بينى وبينها فراق
هقتل قلبى لو يوم اشتاق
وزى ما منها المر انداق
هيكون قلبى عليها قادر


بـــقــلــمى //// نــــــــــــــــــــــ noor ـــــــــــور ////

()__()()__()__ مــــتــــنـــفــعــنــيــشـــ __()__()()__()

بصراحه يا حب عمرى وبجد متنفعينيش
حتى لو بعدك قدرى انى مش هعيش
انا مش هقبل عمرى حبيبتى متراعينيش
وتكلم ده وتضحك مع ده وكأنها متعرفنيش


ازاى بتقول حبيبتى ؟ ومنها كرامتى تنداس
ازاى بتقولى بحبك ؟ بتقولها باى احساس ؟
انا عمرى مهقبل انك تهينينى فوسط الناس
من هنا ورايح يا حبيبتى اعملى متعرفينيش


مادام مش فارقه معاكى والناس اهم عندك
يبقا ملعون هوايا اللى مقوى قلبك
ده انا اقتل فيا قلبى ولا انى اعيش على حبك
ازاى اسمح لنفسى معاكى تانى اعيش


لما ابص الاقيكى مع غيرى ملياكى الفرحه
وباسم الصداقة !!! عندك علاقاتك سامحه
وعادى اللى بتحبيه لما تكونيله جارحه
لا والله يا قلبى ده انت احسنلك متعيش

انا مش هتكلم على غيرتى ولا اقول كرامه ورجوله
لكن دلوقتى سبب حيرتى اقنع نفسى انها ماتت
ولا اعتبرها مقتوله ؟
ولا اقول ده كابوس واقوم عادى واعيش ؟.



بــــقلمــــى :::: نـــــــــور

()()// مــش عــآ‘يزك //()()



من النهارده انا مش عايزك
وهقدر انسى قلبى حبك
وزى ميوم أقنعته يحبك
لازم اقدر اخليه ينساكى

مش بسببك ولا عيب فيكى
انتى عارفة انا كنت شاريكى
لكن صعبه اوى لياليكى
وانا مقبلش ابات ليله باكى


رافضة اشوفك وخدتى قرارك
وانا ردى عليكى وعلى افكارك
انى لا هرضا تانى بنارك
ولا محتاج حبك وهواكى


انا لابعيب فيكى ولا حتى فقلبك
ولا كاره فيكى طريقة حبك
لكن فعلا انا هبقا ظلمتك
عشان مش هعرف اكون فرضاكى


انا لا بقول حاضر ولا بحنى فراسى
ولا كان قلبى فليله قاسى
ومهما دوقت المر فكاسى
بعزة نفسى هفضل احاكى


طباعنا غريبة عن بعض شوية
عيزانى عاشق مليان حنيه
وحياتنا ملياها رومانسيه
ومكنش فيوم منك انا شاكى


انا اه عشت استنا الحب
وعشت اتمنى يدق القلب
واتمنيت منك ياما القرب
لكن مش هفضل وياكى


اتمنيت لحظه انى اشوفك
رفضتى وكان عذرك خوفك
عارفة لو كان رفضك لكسوفك
كنت رضيت بذلى معاكى


ومادام مفيش بينا الامان
يبقا انا بالنسبالك انسان
يا اما هكون غدار خوان
او مش هصون حبى جواكى


وطالما انتى كده شيفانى
انا مش هبقا معاكى انانى
انا هرجع بزمانى من تانى
وكأن معشتش لحظه معاكى


من النهارده انا مش عايزك
وهقدر انسى قلبى حبك
وزى ميوم أقنعته يحبك
لازم اقدر اخليه ينساكى

::::)()(:::: مــــــــــــآ‘تــ آ‘لــ ح ـــبـ جــوآ‘هـــآ‘ ::::)()(::::

مات الحب جواها
قبل ميشوف النور
مات الحب وهواها
اندفن بإيد الغرور
لكن مهما شوفت معاها
عمرى فيوم مهكون مكسور

عشنا ايامنا انا وهيه
مكانتش ايام طبيعيه
شافتنى مليان بقسيه
عشان ولا ليله فهمتنى

شافتنى الخاين الغدار
وكاويها ديما بالنار
وساقيها امر المرار
وده كله ولا يوم عرفتنى

خافت على روحها منى
حاولت اشوفها فيوم حرمتنى
بعدت بسهوله وسابتنى
وفاكرة انها كده عذبتنى


لا يا حب العمر يا حلمى
صعب عليا ادوق انا ألمى
انا مهما زاد عليا همى
ده انا ياما عشت جراح قوتنى

لا يا امل عشت اتمناه
عمرى مقولت فليله الأه
ولو الجرح انا عايش وياه
عمر مألامه كسرتنى

لا يا فرحه بينا مكملتشى
يا قلب غير بيه محستشى
هموم ياما عليا مقدرتشى
حتى لو حبيبه خانتنى


حب ومات وفيوم ميلاده
حب مفرحش بأعياده
وكأنه غريب جوه بلاده
حب معاه كرامتى هانتنى


يلا من ضمن اللى راحوا
مهو قلبى ياما عاش فجراحه
وياما كتير ماتت افراحه
وياما وياما البسمه سابتنى



مات الحب جواها
قبل ميشوف النور
مات الحب وهواها
اندفن بإيد الغرور
لكن مهما شوفت معاها
عمرى فيوم مهكون مكسور


بقـــلمى :::: نــــ noor ــــور

:::: بـــــآ‘قـــى حـــيــآ‘تـى ::::

هكمل باقى حياتى
وانا معدوم الاحساس

هكتم جوايا اهاتى
وهمشى ما بين الناس

هبان فكل اوقاتى
اسعد واحد فى الناس

لكن حقيقتى اهاتى
من ارضى لشعر الراس


قررت اكمل عمرى
ومكونش من العاشقين

وزى مياخدنى قدرى
ولا هسأل رايحين فين

كده كافى خيرى شرى
ولا ذل ولا خاينين

ولو طال بيا عمرى
هدوس على اى حنين

عشان مرجعش افكر
تانى فى اللى راح

اللى مشوفتش فزمانهم
غير بس الجراح

وادينا بعدنا عنهم
يمكن تييجى الافراح

وحتى لو مجتش
انا كده عايش مرتاح


على اد حبى وعشقى ماخدنى رفعنى لفوق
على اد مهانى كسرنى وخلانى للمر ادوق
ومهما افتكرته ووحشنى عمره مهيجيبنى الشوق
ده سابنى وباعنى وناسى ان ما بينا حقوق


حقوق عاشق لحبيبه
خاف مالنسمه عليه

وهو ده كان عيبه
انه ياما اترجى فيه

قاله اتحملنى اسمعنى
واوعا عنك تمنعنى
واوعا فيوم توجعنى
ولا توجع قلبى عليك

قاله انا عايزك ليا
وتشوف اللى تشوفه عنيا
ونعيش ايامنا الجايه
وانا ايدى فايديك

لكن مرضيش بحبى
ومستحملش قربى
واتهمنى بكدبى
وقالى كارهـ لياليكـ

قولت حبيبى سلام
لو كملنا حرام
لسه السنين قدام
ومع غيرى الله يهنيك



هكمل باقى حياتى
وانا معدوم الاحساس

هكتم جوايا اهاتى
وهمشى ما بين الناس

هبان فكل اوقاتى
اسعد واحد فى الناس

لكن حقيقتى اهاتى
من ارضى لشعر الراس



بقـــلــمــــى :::: NoOoR

)*()___ ولآ‘ تـــبــقـــى إلآ‘ مــــ ع ـــــآ‘يــآ‘ ___()*(



كل سنة وانتى ساكنة وعايشة جوايا
كل سنة واحنا فى الحب اجمل آيه
ولا تبقى الا معايا
دايب فبحر هواكى مالكك ساكنك جواكى
ولو انجرحت فيوم تبقى انتى وبس دوايا

ربنا ليا يخليكى يا اجمل احساس انا عشته
ربنا ديما يحميكى يا حلم فقلبى رسمته
ويدينى العمر بطوله عشان اقول حققته
ولا اعيش الا وياكى ولا تبقى الا معايا


يا عشق معدى حدوده ومالك كل ما فيا
يا حب وبسبب وجوده ديما فرحانه عنيا
يا اغلى ما فحياتى يا كل ايامى الجايه
ففرحك جرحك وياكى ولا تبقى الا معايا


يا ارق ضحكه وصوت هز فيا قلبى
يا اجمل كلمه حب ملكت كل حبى
يا رب تبقى ديما جمبى كده وفقربى
واكون قربك وياكى ولا تبقى الا معايا



وزى السنادى حبيبتى منتى كل حياتى
برده الجاية هتبقى اغلى من حياتى
ده انا حتى كلمه حبيبتى بتبان معاكى فسكاتى
ولا عمرى اكون مع غيرك ولا تبقى الا معايا


يا حلم العمر كله يا نور زمانى وسنينى
امل عشت استناه ان تشوفك عينى
مع ان خلاص يا حبيبتى اسمك مكتوب بجبينى
ولا ينفع ابعد عنك ولا تبقى الا معايا


كل سنة وانتى ساكنة وعايشة جوايا
كل سنة واحنا فى الحب اجمل آيه
ولا تبقى الا معايا
دايب فبحر هواكى مالكك ساكنك جواكى
ولو انجرحت فيوم تبقى انتى وبس دوايا

:::: لـــمـــآ‘ سمــعتــهــآ‘ فآ‘لتلــيفــون ::::



انهاردة انا عشت دقيقة
كان احساسى فيها غريب
معرفتش حلم ولا حقيقة
حسيت بجد احساس عجيب


حسيت كأانى لسه مولود
وبقيت عاشق للوجود
حسيت بجد انى موجود
وانى خلاص لقيتلى حبيب


كانت اجمل دقيقة فعمرى
شوفت فيها شمسى وقمرى
وفرحت انها موجوده فقدرى
كان قلبى فيها بجد غريب

كان حاسس احساس مجنون
لما سمعتها فالتليفون
صوت يخلى الجرح يهون
وفثوانى يروق ويطيب


صوتها صوت طفله رقيقة
خليتلى الحلم يبقا حقيقة
وكان قلبى فمليون ضيقة
نسيت وروحى لقيتها بتسيب


وشوفت الدنيا دنيا جميلة
وهدعى فكل يوم او ليله
اعيش معاها ليالى طويلة
ويبقا ليا فيها نصيب


واجمل لحظة كنت حاسسها
لما سمعت صوت نفسها
بتنهيده حب جميل احساسها
كان نفسى منها اكون قريب


انهاردة انا عشت دقيقة
كان احساسى فيها غريب
معرفتش حلم ولا حقيقة
حسيت بجد احساس عجيب

:: ح ـــــــــلــ م ــــــت بـــيــكـــىـى ::



انا ياما حلمت بيكى
وياما كمان اشتقت

وحلمت كمان بعنيكى
وقبل مشوفك عشقت

عشقت الحب فيكى
وحلاوة الدنيا انا دوقت

ربنا ليا يخليكى
يا اجمل ما عرفت وعشت

لو كانت يوم ايامك مدايقاها الظروف
هتلاقينى قدامك بقتل جواكى الخوف
وعشانك بس عشانك هكون مجرم معروف
مجرم قتل الامك ودبح جواكى الخوف


يا رقة متوجدتش ولا يوم وردت على بنت
يا دنيا متوصفتش وفحلاوتها انا عشت
منك متحرمش ولو حصل هكون انا مت
لانى بعدك انتى هكون لنفسى قتلت



انا ياما حلمت بيكى
وياما كمان اشتقت

وحلمت كمان بعنيكى
وقبل مشوفك عشقت

عشقت الحب فيكى
وحلاوة الدنيا انا دوقت

ربنا ليا يخليكى
يا اجمل ما عرفت وعشت

()()():::()()() آ‘حــــزـز آ‘ نــ ()()():::()()()



ليه يا دنيا علينا جارحة
وكتيرة علينا الفرحه
وبالضحكة لينا مش سامحة
ومفيش غير الاحزان

ليه ديما جرح ودمع
ليه ديما مطفى الشمع
ومتفرق ليه الجمع
وليه ديما حرمان


ليه اعز الناس واخداهم
والاصحاب بعداهم
وافراحنا ديساهم
والهم فكل مكان


لو ضحكتينا فيوم
بتملينا سنين بهموم
وسماكى تبقا غيوم
ويلعنك الانسان

بتشدينا بحنانك
وتديينا كل أمانك
وبعدين نشرب حرمانك
وندوق كاس الاحزان


فيكى اللى معاه المال
وقايلاله ده مال حلال
يصبح مربوط بحبال
وواقف عليه سجان

فيكى اللى عاشها فقير
وداق منك مر كتير
وبردو مذلول واسير
وكاره فيكى الزمان

فيكى اللى حب وصان
ورجعتيه متخان
قدام نفسه متهان
ودابحاه الاحزان


فيكى يا دنيا وفيكى
فيكى اللى عاش لياليكى
وعاش عمرة يرضيكى
لكن اهو كان ياما كان

ܔ҉ೋܔணਿܔΞѽೋܔيـآ‘رحــمـــنܔೋѽΞܔਿணܔೋ҉ܔ

مهما كنا فيكى
يا دنيا محرومين

مالفرحه ومالضحكة
ومالبسمه ممنوعين

ومهما كنا فيكى
ديما مظلومين

احنا جواكى وفيكى
عايشين مغصوبين

وأيا كانت لياليكى
علينا كده قاسيين

بردو هنفضل فيكى
عايشين مستحملين


وما دام بالله مآمنين
وفملكوته عايشين
يبقا تهون السنين
مع ارحم الراحمين

اللى قابلينا قالولنا
نرمى على الله حمولنا
ووصانا وصيه رسولنا
نشكى لله ساجدين

وبذكر الله هتهونى
يا دنيا لينا بتخونى
وما دام مفتوحه جفونى
هرضا بمكتوب الجبين

يا دنيا زيدى قساوتك
واجرحى بأقوى ما عندك
طول منا متحمل ألمك
هكون من الصابرين


يا رب يا رحمن
معاك وبيك الأمان
موجود فكل مكان
وواجدنا فى الزمان
اغفر لينا اللى كان
عبيدك يا حنان
فالاخر ليك راجعين

ൂై卐ോ ాైϠ₡ైિكـــــــــــــــ سنـة ــــــــل ૉϠ₡ై๖ ോ卐ైൂ



كل سنة وانتى
حياتى ودنيتى

كل سنة وانتى
طريقى وسكتى

وكل سنة وانتى
عليكى لهفتى


يا سنين عمرى اللى جايه
يا اجمل نظرة وضحكاية
عشقى ليكى دنيايا
يكفى كل العشاق

يا املى وكل حلمى
انا كل همى وألمى
انك بتجرى فدمى
وديما عايشين ففراق


قربى ليا حبيبتى
خليكى ديما جمبى

قربى ليا يا عمرى
وحسى بلهفة قلبى

قربى عيشى جوايا
عيشى الدنيا معايا
ونبقا ابطال فحكاية
يتحاكى بيها العشاق


اظهرى قمر فسمايا
علي وزيدى الضحكاية
وبلمسة لجرحى دوايا
وموتى هيكون ففراق


خليكى ديما قدامى
حليلى مرار ايامى
نسينى اوجاعى ألامى
ده قلبى ياما ليكى اشتاق

كل سنة وانتى
حياتى ودنيتى

كل سنة وانتى
طريقى وسكتى

وكل سنة وانتى
عليكى لهفتى

 

)()()(:::: آ‘ودع نـــآ‘س ::::)()()(



يا زمان انا عشت عمرى
بطوله اودع ناس

فيهم اعز حبايبى
وفيهم اعز الناس

ليه الحزن يملا كيانى
من تحتى لفوق الراس

يا دنيا كفايه عذابك
ليه كل مقف على بابك
تسقينى هوان وآلام

يا دنيا كفايه قساوة
انا فيكى ما ليش غلاوة
فيكى كرهت الايام


ليه ماليه حياتى بدمع
وفليلى مطفى الشمع
وعيونى ما بتنام

ولو نمت فليله بنارى
بدعى مشوفش نهارى
ده انا نسيت الاحلام


يا قدرى حن عليا
يا تحلى ايامى الجايه
يا فقبرك احسنلى انام


يا زمان انا عشت عمرى
بطوله اودع ناس

فيهم اعز حبايبى
وفيهم اعز الناس

ليه الحزن يملا كيانى
من تحتى لفوق الراس

()::()::()()::: لـــــــــــــــــــــــــوـو :::()()::()::()



لو كان الحب فقلبى
هيعمى فيا عنيا

ولو كان العشق وحبى
هيكتف فيا ايديا

ولو كان حبيبى جمبى
ومش حاسس باللى بيا

يبقا يا حسرة قلبى
على حب هيموت بإيديا


منا مش هستنا اليوم اللى يبعنى فيه
ولا هستنا هموم هتجيلى فلياليه
ده قلبى عن الحب يصوم ولا انه يركع ليه
ده العشق كده مسموم وهو لقلبى ساقيه


ياما الدنيا معايا
لفت وعليا دارت
وياما ظلمت فيا
وياما عليا جارت
وفالحب شدت ايديا
وبيه عليا شارت
وفالاخر سيبانى جريح
مركب وخداها الريح
مش عارف رايحه لفين


ياما شوفت منها
ودوقت المر وكاسه
وكنت واحد منها
للحزن اعز ناسه
وبقيت بسببها ومنها
واحد الحزن داسه
مدبوح قلبى جوايا
للدمع صورة وآيه
واحد مالمحرومين



لو كان الحب فقلبى
هيعمى فيا عنيا

ولو كان العشق وحبى
هيكتف فيا ايديا

ولو كان حبيبى جمبى
ومش حاسس باللى بيا

يبقا يا حسرة قلبى
على حب هيموت بإيديا

҈ஸௌோईϢΞϞϞӜ مــــــــآ‘ت ӜϞϞΞϢईோஸௌ҈



ان كنتى انتى قلبى
فقلبى خلاص اهو مات

من امتى كنتى جمبى ؟
وامتى بطلت اهات ؟

من يوم معرفتك وانتى
لا يوم عليا هونتى
ولا قسوة منى شوفتى
لكن عمرك مصونتى
والكدب كان ماليكى


من يوم معشت نهارك
فليلى شربت مرارك
وديما كل افكارك
ازاى تهدى نارك
وتكدبى عاللى شاريكى


لكن يا حب عمرى
يا اسوأ ماحصلى فقدرى
ياللى قفلتى قمرى
وفحبك مشوفتيش شرى
وفاكرانى اسير فايديكى

وديما عاملة ضحية
وشوفتى معايا قسية
وانك مجيتيش عليا
ولا يوم جرحتى فيا
وانا اللى جارح فيكى

لا وكمان انا غادر
علي قلبك كنت قادر
وإنى ديما مش فاكر
قلبك اللى صابر
بجد الله يهديكى

مثلى عيشى فدورك
اقنعى نفسك بشرورك
وارضى فيكى غرورك
وظبطى كل امورك
مريضة الله يشفيكى


انا ياما الدنيا هانتنى
وياما الجراح هدتنى
لكن نفسى قوتنى
وللدنيا رجعتنى
فمش هتيجى عليكى



ان كنتى انتى قلبى
فقلبى خلاص اهو مات

من امتى كنتى جمبى
وامتى بطلت اهات

:::: يـــآ‘ قــــلــبــى ::::



يا قلبى فكر ولو شويه
ليه راضى بالذل والقسيه
جرحك ده بيدبح فيا
وانت ليه راضى ومتحمل

يا قلبى ليه احساسك ساجنك
ده عمر حبيبك مفيوم حضنك
ولا عنك يوم شال منك همك
يبقا فناره ليه بس تكمل

فكر يوم فعذابك بعده
هيكون اهون ما تكون وياه

اقفل بابك فوش قلبه
ولا ترضى تانى تبقى معاه

عشقت يا قلبى وصونت وهونت
ولا عمرك يوم قسيت ولا خونت
وفحبه ياما اشتاقت ودوبت
واستخسر فيك
فرحه فعنيك
واستكبر انك تطول لقاهـ

سابك جرحك دبحك هانك
مرضيش يبقا مكانه مكانك
بدل فرحك وإداك احزانك
سود لياليك
وديما ناسيك
واختار غيرك يبقا معاهـ


يا قلبى فكر ولو شويه
ليه راضى بالذل والقسيه
جرحك ده بيدبح فيا
وانت ليه راضى ومتحمل

يا قلبى ليه احساسك ساجنك
ده عمر حبيبك مفيوم حضنك
ولا عنك يوم شال منك همك
يبقا فناره ليه بس تكمل

:::: آ‘لـــــوآ‘نـ هــــمـ وآ‘حزآ‘نــ ::::



يا عشق ومات جوايا
الله يرحم هوايا
اللى لون دنيايا
بألوان هم واحزان

انا كنت للحزن آيه
جريح مش لاقى دوايا
ولا كان يوم حد معايا
عشت ياما فحرمان

دوقت المرار فسنينى
شوفت الويل بعينى
وزاد عليا انينى
وعشت كتير ندمان


اعز حبايبى وخانوا
اللى عمرهم مهانو
واصحابى اللى كانوا
بيقولوا انى متصان

سايبنى غريق فبحور
مفيهاش لا صوت ولا نور
سايبنى ديما مكسور
عايش خيال انسان


لا عمرى فيوم ظلمت
ولا يوم قسيت عذبت
ولا بعيونى كدبت
ولا طبعى اكون خوان


ليه نصيبى اكون متهان ؟
ليه ديما احزان ؟
ليه اصون وارجع متخان ؟
ويبقا عمرى حكايه ؟
بدايتها كان يا مكان ؟
ارحمنى يا رحمن ؟
منك اوهبنى الصبر
ونسينى اللى كان

()_()_ مـسـرـرح كـبـيـر _()_()



يا دنيا مسرح كبير
مذلول فيكى الضعيف
مكسور فيكى الفقير
يا دنيا همومها كتير
نهارك ضلام مخيف
ليلك كفيف ضرير

فيكى اللى خدعاه روحه
واللى بيداوى جروحه
واللى كل طموحه
بيت وحق رغيف

فيكى اللى عاش لغيرة
واللى مات ضميرة
واللى بس كبيرة
يبكى لو شاف الزيف


فيكى اللى بحقه يطالب
واللى ديما غالب
واللى مالمر شارب
وبيشوف وعامل كفيف

يا دنيا مسرح كبير
مذلول فيكى الضعيف
مكسور فيكى الفقير

يا دنيا همومها كتير
نهارك ضلام مخيف
ليلك كفيف ضرير

فيكى اللى عاشك يغدر
واللى بس بيؤمر
واللى مجروح وبيشكر
واللى حامد ربه

فيكى اللى بس يخون
واللى ديما بيصون
واللى علطول بيهون
والهم مالى قلبه


فيكى الى مات احساسه
واللى تاه م ناسه
واللى الكل داسه
وطريق الذل دربه
يا دنيا مسرح كبير
مذلول فيكى الضعيف
مكسور فيكى الفقير

يا دنيا همومها كتير
نهارك ضلام مخيف
ليلك كفيف ضرير
فيكى اللى فسجنك عاش
واللى راح ولا جاش
فيكى اتعز الاوباش
واتذل اصحاب الحق


فيكى جلادك راكب
واللى من غدرك شارب
واللى بإعدامه يتحاسب
لو قال بالصدق لأ


فيكى اللى مصوا دمانا
واللى عاشوكى بإهانه
وناس تانيه ندمانه
وناس جبروتها إنشق

يا دنيا مسرح كبير
مذلول فيكى الضعيف
مكسور فيكى الفقير

يا دنيا همومها كتير
نهارك ضلام مخيف
ليلك كفيف ضرير


فيكى اللى لراسه رافع
واللى لخيرك مانع
واللى ديما دافع
علشان يمشى اموره


فيكى اللى داب مالهم
وفيكى اللى باع الدم
وفيكى اللى هجر الام
واللى لابليس بيزورا


فيكى اللى عاشوا احرار
واللى اترموا فالنار
واللى مزاجهم فدمار
واللى عالناس بيجورا

يا دنيا مسرح كبير
مذلول فيكى الضعيف
مكسور فيكى الفقير

يا دنيا همومها كتير
نهارك ضلام مخيف
ليلك كفيف ضرير

،،::::: مـــســـــآ‘فـــــــــرـر :::::،،



ماشى فشوارع بلدى
ببص عالبيوت

وبالغصب عيونى بتدمع
ببكى ومن غير صوت

احساس جوايا بيوجع
وكأنى خلاص هموت

وده كله لأنى مسافر

هروح لصحابى واهلى
تراب بلدى بيندهلى
الكل جمبى ومشتاقلى
وده كله قبل مسافر

امى عماله بتبكى
ولكل الناس بتشكى
وغضبانه بتسأل تحكى
ازاى انا قلبى قادر


يا امى انا والله ماشى
عشان انسى اللى كان

كل يوم بيعدى
اسوأ من اللى كان

جرحى قدامى عينى
ومعايا فكل مكان

هبعد يمكن راحتى
لو غيرت المكان


سامحينى فرحيلى
ما نهارى هو ليلى
ويوماتى احزان بتجيلى
وقدام نفسى بتهان


انا مش بهرب يا امى
لكن انا موتى وسمى
يبقا خاين فدمى
وارضى انى اكون متخان


هشغل كل وقتى
ومن هنا ودلوقتى
لو نظرة منى شوفتى
فيها حزن قولى جبان


ويا امى مش هتأخر
سنه وراجع مش اكتر
وانا نفسى مش هقدر
حضنك هو الامان




ماشى فشوارع بلدى
ببص عالبيوت

وبالغصب عيونى بتدمع
ببكى ومن غير صوت

احساس جوايا بيوجع
وكأنى خلاص هموت

وده كله لأنى مسافر

///// ::::مــفــيش رـرجــوعــ :::://///



خلصت الحكاية
وانتهت ومفيش رجوع

اتقفلت الروايه
وخسارة فيها الدموع

مات كل اللى فات
ومفيش غير السكات
مر زمن الاهات
والحيرة والدموع


هان كل اللى كان
صبح كأنه ما كان
ولا فى هم واحزان
هاجروا ومفيش رجوع


عينى مش راضيه تبكى
قلبى مش قابل يشكى
ولا حتى لسانى بيحكى
خسارة عليها الندم

ياما الآهات مليتنى
والدنيا بيك ظلمتنى
وبكدبها ياما هانتنى
مليت فيها الالم


هعيش لروحى ونفسى
ياللى ما فيوم هتحسى
على غيرى دورى وأقسى
واسقية مر وندم


لا عمرى هسلم لغادر
عالجرح والكدب قادر
لا وراضى وشاكر
ورافع لكدبه علم


لا هكون فيوم مهزوم
من اللى غدربى فيوم
ولا اعيب عليه ولا ألوم
هقول ماضى إتردم


لا هفكر أحن ليه
ولا لحظه اشتاق اليه
ولا اخاف من تانى عليه
ده قلبى ياما اتحرم


لا هدوق المر تانى
من بنى آدم انانى
فاكر احزانى قتلانى
وهصرخ بقلب اتظلم


لا يوم هتشوفنى عليل
اهون اموت قتيل
ولا انى اكون ذليل
لماضى بإيدى اتقسم



لا عاش ولا كان فالدنيا
اللى يخدعنى ثانيه
وياللى عليا جانيه
عليكى حرام الندم



يا حلم حقيقته كابوس
هعدى عليك وهدوس
وكأنى محستهوش
ولا كأنه إتحلم





خلصت الحكاية
وانتهت ومفيش رجوع

اتقفلت الروايه
وخسارة فيها الدموع

مات كل اللى فات
ومفيش غير السكات
مر زمن الاهات
والحيرة والدموع


هان كل اللى كان
صبح كأنه ما كان
ولا فى هم واحزان
هاجروا ومفيش رجوع

:::: بـــــــــ ح ــــــــبكـــ ::::



طلبت منى حبيبتى
مكونش عليها قاسى

مع انى كل ما فيا
ليها فاكر مش ناسى

لو تعرف بس هيه
انها مالكه احساسى

عمرها ولا كانت تطلب
ده هيه اعز ناسى

قالتلى حبيبى اكتبلى
كلام زى العاشقين

متعرفشى انى قلبى
وعقلى فيها دايبين

ده هيه كل حبى
وهيه سنينى الجايين

ولا عمرى فليله هبعد
ولا اكون من الخاينين


طلبك يا عمرى انى اكتب فيكى الاغانى
اقل كتير وكتير من حبى اللى ملانى
ومهما قولت فحبك اللى مالى زمانى
عمرى مهقدر اعبر عن كل اللى فكيانى

عايزك يا حبيبه قلبى ديما معايا وجمبى
عايزك لو صاحية فقربى ولو نايمه تنامى فقلبى
اصلى انا بردو لو صاحى وعنيا شيفاكى
ولو غمضت عيونى فالحلم بكون وياكى
ولو فيوم انجرحتى بعد اذنك لو سمحتى
فجرجك هبقا دواكى

واخر كلمه حبيبتى
انك مهما غيبتى
او عنى بعدتى وروحتى
هدخلك جوه قلبى
وبرده هكون وياكى

بحبك


بقلمى //// نور

//// يــــــــســ ع ــــــد آ‘يــــــــآ‘مــــكـ ////



ياحب وكان معايا
يا قلب كتب النهاية
خلصت بينا الحكاية
ولا كان بإيدى حاجة

يا دنيا وعشت فيها
وياما اتعذبت بيها
وللاخر كنت شاريها
وراحت كل حاجة

كل اللى بإيدى اقوله
كل العمر بطوله
قلبى كل حلوله
يقول يسعد ايامك

مع غيرى تنسى الدمعه
والدنيا كلها سامعه
ايامى خلاص مش راجعة
وانت ايامك بقيالك

الدنيا حلوة جميلة
لياليها لسه طويله
ليه تعيشها بذكرى عليله
انساها وشيل من بالك


افرح وبطل حيرة
انسانى هتنسى الغيرة
وحاجات كمان كتيرة
حقق من غيرى امالك


يا رب تكون فرحان
وحاسس انك انسان
من غيرى مفيش احزان
ويكون كويس حالك



ياحب وكان معايا
يا قلب كتب النهاية
خلصت بينا الحكاية
ولا كان بإيدى حاجة

يا دنيا وعشت فيها
وياما اتعذبت بيها
وللاخر كنت شاريها
وراحت كل حاجة

كل اللى بإيدى اقوله
كل العمر بطوله
قلبى كل حلوله
يقول يسعد ايامك

بـــــــــــــــــ ق ــــــــــ ل ـــــــــــــــ م ـــــــــى

ديــــمـــآ‘ جــــمــبــىـى



على اد معشت الدنيا
اجرح واظلم واخون

على اد معشت اعذب
واقسى ولا عمرى بصون

على اد مقلبى كسرنى
وصبح عاشق مجنون

يا حب غير حالى
واخدنى من الزمان

يا فرح وجرح جالى
ومعايا فكل مكان

وانت معايا حبيبى
بنسا هم الزمان

ولما بتبعد حبيبى
بغرق فبحور حرمان


خليك معايا يا عمرى
ولا تبعد عنى يوم

خليك فليلى قمرى
نسينى اى هموم

ده صورتك جوة فقلبى
وكلك فعيونى مرسوم

بدعى ديما ربى
الحب ما بينا يدوم


يا حلم العمر يا املى
يا زمان عشت استناه


حبك شال عنى المى
واخدنى فبحر هواه


خليك كده ديما جمبى
ده الفرح معاك بلقاه


ولو مرة بتبعد عنى
بعيشها فألف اهـ


على اد معشت الدنيا
اجرح واظلم واخون

على اد معشت اعذب
واقسى ولا عمرى بصون

على اد مقلبى كسرنى
وصبح عاشق مجنون


بـــقـــلــمــى

:::: مـــلــكــيــشـ حـــ ق ــــــو ـو قــ ::::



ملكيش عندى اى حقوق
لا خوف ولا غيرة ولا لهفة بشوق
ومن وهمك انا قررت أفوق
ومن مرك تانى انا مش هادوق

لا فيوم تقوليلى دى تبقى مين
وعلى اى حد تبص العين
وعمر مشاعرى ماليكى تلين
خلاص حياتى هتكون من غيرك

انا كنت بعيش ليكى وعلشانك
ولا عمرى فمرة شوفت حنانك
مكانى خلاص مابقاش مكانك
ولا انتى سمايا ولا انا طيرك

ملكيش عندى اى حقوق
لا خوف ولا غيرة ولا لهفة بشوق
ومن وهمك انا قررت أفوق
ومن مرك تانى انا مش هادوق


مهو لما يكون حبك فدمى
وتبقى حبيبتى واختى وامى
وكل ماليا وكل همى
وعايش حياتى عمال ارضيكى

وتيجى تردى الحب بكدب
وتملى حياتى قساوة قلب
لازم اكره فيكى الحب
واكرة حتى اشوف عينيكى

ملكيش عندى اى حقوق
لا خوف ولا غيرة ولا لهفة بشوق
ومن وهمك انا قررت أفوق
ومن مرك تانى انا مش هادوق


لا تيجى فيوم تقوليلى واحشنى
ولا تيجى بجرأه تقولى سامحنى
خلاص كل ما فيا عنك حايشنى
ومش عايزك ولا راضى بيكى


لا هفكر انى ارجعلك تانى
شيطانك حاكمك قلبك انانى
ملكيش ثانية تانيه فزمانى
ومن كدبك الله يشفيكى

ملكيش عندى اى حقوق
لا خوف ولا غيرة ولا لهفة بشوق
ومن وهمك انا قررت أفوق
ومن مرك تانى انا مش هادوق

 

:::: آ‘فتـرقــنــآ‘ ::::



وافترقنا يا دنيا
وباقيلك ايه عندى تانى

وخلاص لا بقت معايا
ولا ليها تانى فزمانى

شايفها عليا جانيه
وهيه شيفانى جانى

حاططها فصورة كدبه
وهيه شيفانى انانى

لا عايز احب تانى ولا عايز اعيش محتار
كفايه اللى جرالى من سوء الاختيار
مفيش غير الحزن جالى خدنى ورمانى فالنار
دلوقتى هعيش لنفسى وانا صاحب القرار


هعيش من غير احباب
هنسا ليالى العذاب
هقفل اى باب
يقولولى وراه حبيب

هعيش لروحى وبس
لا بحد تانى هحس
ولا للحب همس
هقضيها فالدنيا غريب


واى قلوب هتصمم
انها بيا تحلم
هخليها لنفسها توهم
ولا حد عليا يعيب


انا طالب اعيش وحيد
وده حقى ده شيىء اكيد
انا حر مش مالعبيد
وده حالى لحد ما اشيب


مش قابل عطف حد
ايه يعنى عليا جد
منا ديما قدامى سد
بينى وبين اى حبيب


واخد على دنيا فاضيه
خالية لكن مش هاديه
بعذابى ديما راضيه
وديما فقلبى لهيب



وافترقنا يا دنيا
وباقيلك ايه عندى تانى

وخلاص لا بقت معايا
ولا ليها تانى فزمانى

شايفها عليا جانيه
وهيه شيفانى جانى

حاططها فصورة كدبه
وهيه شيفانى انانى

/:/:/:/___ وآ‘حد مـــــــــــــآ‘ت ___/:/:/:/

علمتى قلبى القسوة
وازاى يظلم ويخون

علمتى مشاعرى القوة
واى شيىء بيهون
الصحاب وباعوا وداسوا عاللى فات
الاحباب وراحو وملونى جراح وآهات
فاضلى مين يا دنيا ويا زمن السكات
انا اصلا انسان عايش ولا واحد مات ؟

غدربى اعز الناس
وخانونى وراحوا بعيد

ظلموا وقسيوا عليا
وسابولى عذاب شديد

وكل مداوى فجرح
ينفتح واحد جديد

متسلم خلاص يا قلبى
متبقاش للدنيا عنيد

كل متعاند فيها
عليك بالهم تزيد


الصحاب وباعوا وداسوا عاللى فات
الاحباب وراحو وملونى جراح وآهات
فاضلى مين يا دنيا ويا زمن السكات
انا اصلا انسان عايش ولا واحد مات ؟

ياللى كنتوا جمبى
عاملين خايفين عليا

ازاى اهون عليكو
تشوفوا دموع عنيا

واكون بغرق قدامكو
ولا حتى تشدوا ايديا

طب اعيش حياتى ازاى
واعيش ايامى الجايه

بعد مسودتى نهارى
وليلى بيدبح فيا


الصحاب وباعوا وداسوا عاللى فات
الاحباب وراحو وملونى جراح وآهات
فاضلى مين يا دنيا ويا زمن السكات
انا اصلا انسان عايش ولا واحد مات ؟

يا دنيا ليه تعذبينى ؟
فكل ايامك لياليكى

ليه تخلينى جريح؟
دمى مالى ايديكى

ده انا ياما عشت بصون
وراضى بكل ما فيكى

ومن بحر صبرى انا كنت
ديما بملا وبرويكى

ويا اما تحنى عليا
يا تدفنينى فأراضيكى

الصحاب وباعوا وداسوا عاللى فات
الاحباب وراحو وملونى جراح وآهات
فاضلى مين يا دنيا ويا زمن السكات
انا اصلا انسان عايش ولا واحد مات ؟





::: بـــــــــــقـــــلـــــــــمــــــــى :::

)()( آ‘هـــل بـلـدي )()(



يا اهل بلدى يا طيبين
ياللى علطول شاكرين
ولله ديما حامدين
بعون الله ديما عاليين
وفعز أالامكم بردوا ثابتين

ياما بلاد وطمعت فينا
وياما وياما دوقنا الظلم

وياما كتير شافت عنينا
وحفظنا شكل الموت والدم

لكن ديما حاجه فينا
بتنسينا اى هم

حبنا لبلدنا مدفينا
هيه الاب وهيه الام


يا اهل بلدى يا طيبين
ياللى ديما شاكرين
ولله ديما حامدين
بعون الله ديما عاليين
وفعز أالامكم بردوا ثابتين

اللى جالنا عدو وغازى
وقال مش خارج مهما يكون

وعاش بينا جلاد وبيخرب
وبيسرق ينهب بجنون

ولرجالنا يعذب وبيعدم
ودموع اطفالنا عليه بتهون

نهايته كانت جوة منك
وفأرضك صبح مدفون

يا اهل بلدى يا طيبين
ياللى علطول شاكرين
ولله ديما حامدين
بعون الله ديما عاليين
وفعز أالامكم بردوا ثابتين

اتربيت على حب ترابك
وعلى ارضك اسجد لله

ولو عطشان واقف على بابك
نيلك من كرمه سقاه ورواهـ

ولو عدينا عدد احبابك
هيبقا العقل مننا تاهـ

ولو جاحد جرحك او سابك
بيرجعلك ملياهـ الآهـ
يا اهل بلدى يا طيبين
ياللى علطول شاكرين
ولله ديما حامدين
بعون الله ديما عاليين
وفعز أالامكم بردوا ثابتين

ياما شوفنا فيكى كتير حرمان
لكن بيكى رافعين الراس

واتحكم فيكى 1000 شيطان
وفالاخر اتهان وإنداس

فيكى العظمه وفيكى القوة
وفيكى كمان اجمل احساس

احساس انى اقول انا مصرى
والدنيا تقولى ده أجدع نــاس

يا اهل بلدى يا طيبين
ياللى علطول شاكرين
ولله ديما حامدين
بعون الله ديما عاليين
وفعز أالامكم بردوا ثابتين

™¶«§»ـ_ـ«§»¶يـــآ‘ صــــحــبــــى ¶«§»ـ_ـ«§»¶™



سوا رسمنا احلامنا
وبدأنا نحققها

مع بعض داوينا ألامنا
وأمالنا هنبدأها

وانا وانت على ايامنا
ومن الزمان نسرقها
يا صحبى ما تبكيش
ولا يوم تباته حزين

مهو هنعيش هنعيش
هنبكى بس لمين

وبردو ما تشكيش
خلينا احسن ساكتين


سوا رسمنا احلامنا
وبدأنا نحققها

مع بعض داوينا ألامنا
وأمالنا هنبدأها


ايدى فأيديك خلينا
نبنى كل اللى اتهد

وطوفان لو جاى علينا
هنبنى 1000 سد

وطول مالنور فعنينا
والقوه فينا بجد


هنحقق كل امانينا
واحلامنا ما تتعد

سوا رسمنا احلامنا
وبدأنا نحققها

مع بعض داوينا ألامنا
وأمالنا هنبدأها

لسه قدامنا كتير
وياما لسه هنشوف


ولو كان الهم كبير
منسلمش للخوف


ولو حتى كنت ضرير
بعينى يا صحبى هتشوف


سوا رسمنا احلامنا
وبدأنا نحققها

مع بعض داوينا ألامنا
وأمالنا هنبدأها


وانا وانت على ايامنا
ومن الزمان نسرقها

فــرحآ‘نـ وآ‘لآ‘ حــزيــنـ ؟



انا تايه فالدنيا مش عارف رايح فين
مبقتش عارف افرق انا بضحك ولا حزين
ديما مغلوب على امرى ولا حاجه فعمرى بأمرى
ومش عارف زمنى واخدنى ومودينى على فين
انا مين يا دنيا غريبه وايه ذنبى اللى عملته
لا لحد ظلمت فليله ولا ليكى قتيل قتلته
ليه عذابى فيكى وهمك على كتفى شيلته
والامك زايده عليا وسيرك القسوة دخلته

الضحكه وصوتها عالى والبسمه باينه فوشى
مع ان الفرحه منى ديما تهرب وبتمشى
ولا عارف اجيبها تانى ولا عارف اعيش انا فيها
وياما شكيتلها منها لكن بردو مردتيتشى
انا مين يا دنيا غريبه وايه ذنبى اللى عملته
لا لحد ظلمت فليله ولا ليكى قتيل قتلته
ليه عذابى فيكى وهمك على كتفى شيلته
والامك زايده عليا وسيرك القسوة دخلته


ليه يا دنيا مبترديش على واحد ماشى فارضك
وكل ميطلب عطفك القسوة تبقا ردك
ويلف فيكى ويرحل من شرق لغرب بيهرب
لا يلاقى غير الدمعه ويدعى لربه وربكانا مين يا دنيا غريبه وايه ذنبى اللى عملته
لا لحد ظلمت فليله ولا ليكى قتيل قتلته
ليه عذابى فيكى وهمك على كتفى شيلته
والامك زايده عليا وقصر القسوة دخلته

:(:):(:): ج ــــيـت آ‘لدنيآ‘ بكـــيت :(:):(:):

انا جيت الدنيا بكيت
زى اى واحد
وكانت فرحه فالبيت
وشمع الفرحه قايد

كان ابويا بيا فرحان
شاف فيا الانسان
اللى ينسيه احزان
عاشت جواه سنين

شاف فيا ضهرة وسنده
كنت اعز ما عنده
كنت ارضه وبلده
القلب ونور العين

شافنى فارس بسلاحه
شاف فيا مداوى جراحه
وبيا زادت افراحه
لكل ايامه الجايين

لكن قتلوه وقصادى
وبموته موافق راضى
علشان بيحمى بلادى
زيه زى الملايين

اللى راحوا عشانها
علشان يصونوا مكانها
وتفضل طول زمانها
لراسها كده رافعين

من يومها حلفت أعادى
وأكون جلاد وقاضى
وهعيش فارس بجهادى
علشان امحى الظالمين


وزى مجيتها بدمعه
واتقادت ليا شمعه
بصرخ والدنيا سامعه
التار حافظاه السنين

وزى مابويا شافنى
وبالرجوله عرفنى
لا هيغفل تانى جفنى
إلا وليهم ذلين

صحيح انا طفل صغير
لكن حزنى مكبرنى
وأول مهشد وهكبر
هدعى ربى يقدرنى


بـــــــــــــــــــقــلـــمـــى

::::: بــتــبــ ع ـــدى ع ـــــنى لــــيـــهــ ؟ ::::::



بتبعدى عنى ليه والشوق باين فعيونك
ده لو لفيتى العالم ولا حد زيي يصونك
ولا فكرت فليله ابيع حبك ولا اخونك
ومهما بعدتى عنى اكيد هبات فجفونك

هتغمضى عينك شيفانى
ومهما عملتى حسانى
ده انتى روحى وكيانى
وانا عاشق لعيونك

هتعملى ناسية فاكرانى
بعدتى هترجعى تانى
ده زمانك هو زمانى
ده انا اموت ولا اكون من دونك


ليه تعيشينا حرمان
ليه تورينا الاحزان
ده انا بحر من الحنان
وانا فيه عايم على عومك


يا قلب ماله مثيل
وعشانك اكون قتيل
واسهرلك مليون ليل
عشان نظرة عيونك


فشفايفك اجمل بسمه
ارق من اى نسمه
وخلاص اهى هى القسمة
ومش هعرف اعيش من غيرك


يا قمر نور لياليا
يا قلبى وكل ماليا
يا روح طايرة حواليه
والله عمرى مسيبك


بتبعدى عنى ليه والشوق باين فعيونك
ده لو لفيتى العالم ولا حد زيي يخونك
ولا فكرت فليله ابيع حبك واخونك
ومهما بعدتى عنى اكيد هبات فجفونك

:::: مــــيــن ظــآ‘لـمــ مـــيـن :::: ؟

مش عارف ليه حاسس بخداعها
بتمثل ولا حقيقى فأوجاعها
نفسى بجد من تانى اسمعها
وحشتنى لكن قلبى حزين

فاكرة انى قاسى القلب
وانى كمان بارد فالحب
تييجى تسمع دقات القلب
وتسمع منه اشد انين

حاسس انها جوة فدمى
وهيه سبب احزانى وهمى
ومالية كل ايامى بألمى
ووخدانى نارها بس لفين ؟


شوية احس بطيبة ورقة
وشوية احس بنار الفرقه
ده كل مشاعرى منى اهى سارقة
وبغيرها هيه مش راضيين


راضى يا قلبى بمر عذابك
راضى بنار واقفة على بابك
جرحك ييجى من احبابك
وبردو تفضل مالعاشقين


مكنت يا قلبى حر طليق
وللدنيا كنت صديق وشقيق
دلوقتى اعز حبيب ورفيق
عايز يبقا من الناسيين

لكن يمكن بجد حبك
ونفسه يفضل بجد جمبك
اصبر ومتنطقش بحكمك
لسه فيه ايام جايين

يمكن دلوقتى بيبكى عليك
ومن جرحك نفسه يداويك
او جرحه اكبر من اللى بيك
واحنا اللى عليه قاسيين


مش عارف مين بقا ظالم مين
هو احلى ايام وسنين
واملى وعمرى ونور العين
هو اللى ظالمنى ومالينى انين ؟
ولا انا وقلبى الظالمين ؟


بقلمى :::: نور